JIYANA QEŞENG
Imranê Menteş
Eger hûn
bixwazin jiyanek qeşeng
Divêt raperînek bi rext û tiveng
Şeva reş bi
dûmn, divêt roj hilê
Bi kar û xebatê
bi top û bi tang
Bi sed partiyan
ev xebat maye şaş
Emê her bimînin
bi êşên ne baş
Li binya
beraşan gelê Kurd dijî
Di bin dest
neyarên bi hêrs wek qeraş
Çima em bi
sed deng? çima ezezî?
Li jînê dimînin
xwezî û xwezî?
Çima em xulam
bin ji bo pîsneyar?
Dibin kalemêrê
mişext hizhizî
Ji zanan
bixwazin felata gelan
Ji dil hûn
derînin şikefta kulan
Birayên bi
rûmet, beranên leheng
De yek bin, çeper bin bi hevdin
milan
....Neviyên şepalan, bi rextan û çek
Kurên Ristem
ê Zal
li Rexşê belek
Li kar bin, siwar bin li Zîl û Hemer
Ji nav xwe
hilînin xwedî rîp û
dek
Kesê dexs û sîxur mejî bûye zeng
Hevalên neyar
in bi sed reng û reng
Xwedî rûmet û
rêz bibin pêşewa
Milet zû
şiyarkin li gel bû dereng.
2024
ليست هناك تعليقات: