Helbest-Warê min
Karîna Osêyan - Ermenistan
Pênûsa
Azad-Hijmar-16
Derdê dilê min giran e
Ne mirî, ne jî giyan e
Ezdayî me, kar giran e
Jiyan her barê gêran e
Barê giran li ser milan
Bi koçemalî baz didan
Zordest li warê min diman
Min hewar digehand Yezdan
Kanî û ka ye warê min?
Kanî baxçe û baxê min?
Ketin ber talan çûn ji min!
Ax tev rûxandin warê min!
War ket destê hov û guran
Pel ji van daran weşiyan
Çilmisin kulîlkên mêrgan
Min xêr nedî ne jî xweşiyan
Bêjin, kanî ew warê min?
Birakujê me pir dibin!
Ters nabin, bi şûra dibin
Çima nayên hewara min?
Ez Ezda me, kû de herim?
Wenda kirin rê w dirb li min
Kanî ew Kurdistana min?
Ew cih û warê bavê min!
Bêwar mam, derb lê ketin
Bêxwedî man, şof pê ketin
Gur û rûvî pey min ketin
Nîn e hedan nîn e veketin
Ez Ezda me, wer ku bêjim
Bo Kurdistan xwîn dirêjim
Bo cangoriyan dibêjim
Xwîn rijand wek Firat bêjim
Lê min nedît ew Kurdistan?
Dilêm bûye tûrê xeman
Sebr û aram bo min neman
Bûme evdal li van dertûlan
Dibêjim û her dixwînin
Bilbil dûr e ji baxê min
Deng nema ku bikim qêrîn
Ka ye Kurdistan, dibêjin?
Êşa dilê min bê hal e
Ezê bimrim ne li mal
Laşê min li Sîpan xal e
Ezda me, li wir helal e
Min re dibêjin, tu Ezda yî!
Çima ji Kurdistan mayî?
Erê birano tu ka yî?
Bo Kurdistan di xew mayî?
ليست هناك تعليقات: