Xaylaza Reşîd-Teblîsi Gorciya-Helbest-NE HUB E, NE EVÎN E.
Min roj bi roj xwe xapand
Kezî-guliyê xwe werand
Dil-kezeba xwe heland
Lê riya dijwar neqedand.
Ser riya min gur û rûvî
Ji min revîn bûn kûvî
Ez bê guman bê hêvî
Şirik min bûne hêwî.
Min da kê da nan û mast
Min hatin hev çep û rast
Wan çi ruhê min dixwast
Kesî heqê min neparast.
Kesî negot can Rihan
Kesî negot ez qurban
Nebûn melhem û derman
Mam laphewa vala mam.
Min ne bav e ne bira
Min ne rê ye ne pira
Min ne fitîl e ne çira
Westiyam derew û vira.
Çi dewranek xayîn e
Me dide çifte pihîne
Ne hube û ne evîn e
Qeder xêrê nevîn e.
ليست هناك تعليقات: