FÊSBÛKA KURDÎ - Alan Pêwend
Bê guman di van dih salên dawî, fêsbûk cihekî baş di jiyana me de girtiye, û bûye alaveke ku me bighîne hev piştî ku xelik ji hev dûr ketin û li bajar û welatan belav bûn.
Heta radeyekê fêsbûkê cihê tilvizyonê jî girtiye ji bihîstina nûşeyan û temaşeya bernameyan, û di rêya wê re gelek mirovan hev naskirin û bûne dost û heval û hindek car jî evîndar,û ji xwedî karan re bûye alaveke ku berhemên xwe pêşkêş bikin . Herwiha gelek nivîskar û wêjevan.lêkolîner û rexenevan jî roleke berçav dilîzin,mirov dikare ji nivîsandinê wan baş mifayê wegire .
Bi giştî em dikarin bibêjin alaveke mirov dikare sûdê jê
wergire bitaybet wek em Kurd pêwistiya me ya netewî û wêjeyî û zanyarî û
hişmendî zir û geleke. Dibe ku nêrîn û nirxandin ne bigiştî bin,ji ber ku ne
hemû kesên vê alavê bikartînin di yek asta zanyariyê de ne.
Wek alav ji aliyek din ve ez dixwazim xalên girêdayî miletê Kurdî bînim zimên.
Xala yekem û ya ku bêtir bala min kişandiye ew e ku nivîsandinên rêjeyek mezin ji nivîskarên me yên kurd bi zimanê Erebî bikar tînin, rast e gelek mijar hene dibe ku bi zimanê Erebî werin nivîsandin û ez ne dijî vî zimanî me, lê girînge ew li zimanê xwe yê dayîk bi Kurdî jî xwedî derkevin.
Eger berî niha derfet nebûn yan jî tirs hebû ji nivîsandina bi Kurdî, niha hemû derî vekirîe ne, lê mixabin xwiyaye bêtirê xelkê ziman tenê di Siloganan de ji bo wan giringe.
Xala duyem, kesên nûçe û zaniyariyan radighînin,yan vedughêzin bêgoman ew karekî baş e ji bo me, lê ew kesên ku nûçeyekê dibhîzin û tenê ji bo layek û komêntan kom kin yekser belav dikin bêyî ku zanibin ew nûçe raste yen na, helbet ew kes sergêjiyê ji mirov re çê dikin ya baş ew e ku mirov têkiliya xwe biwan re rawestîne .
Li dawiyê jî ez dixwazim bêjim ku gelek giringe em fêsbûkê û hemû alavên ragihandinê bi zanebûn û hişyarî bikarbînin, da karîbin zimanê xwe û doza xwe di rêya wan re pêşbixin û bighînin cîhan .
يعني صار فيس بوك بالدوري كمان
ردحذف