Yekîtiya Nivîskarên Kurdistana Sûriya bi helkefta zimanê Kurdî roja pêşî ji heftiyê li Qamişlo destpê kir.
Bi helkefta Roja Zimanê Kurdî di 15`ê gulanê de, simînar li ser zimanê kurdî hat lidarxistin, bi amadebûna birek balkêş ji nivîskar û rewşenbîran, û bi șopandina ragihandinê, destpêkê mamoste Ebdusemed Mehmûd bixêrhatina mihvanan kir û dest bi simînarê kir bi xuleyek bêdeng li ser canê pakrewanên Kurdistanê, êdî derfet da herdu gotarbêjan, simînar jî hat pêşkêşkirin ji layê herdu nivîskar û rêzimanzanên hêja ve; Diham Ebdulfetah û Ebdulhekîm Muhemed, herdu rêzimanzanan bi ferehî li ser zimanan bi giştî û zimanê kurdî bi taybetî axivîn û pêşketin û pirsgirêkên li ber ziman dane diyarkirin, her wiha rewşa ziman di dema niha û di pêvajoya dîrokê de jî şirovekirin û gelek mînak ji amadebûyan re dane xwiyanî, paşê derfet hate dan ji bo mihvanan da ku pirs û nerînên xwe diyar bikin.
Roja Zimanê Kurdî pîroz be
Yekîtiya Nivîskarên Kurdistana Sûriya
Qamişlo, 15. 5. 2022
ليست هناك تعليقات: