Salnameya Kuçberiyê-Zehra Ehmed
Di tûrê wî de, wêranên bajarê wî, destek ax, simbileke şewitî û ezmanê
xeman bûn.
Di bin dengê guleyan de, henaseya xwe di destên şevê de veşart, li ser
riya dûr û dijwar, gavên êşê dijimartin.
Li ser sînorê bêhişiyê, û berî ku heyv çîroka xwe bidawî bike, gavên wî
di bahozeke xemgîniyê de bê war man.
Bê dîwar, di konê xwe yê sar de, si`eta diya xwe daleqand da ku salên şer
di wê salnameya birîndar de bijimêre..!!
Çîrokên bê Dawî
Li wî warê dûr, di şevine sibatê de, germahiya çîrokên dayika xwe hembêz
dike.
Pala xwe da ser dîwana xwe, ya ku hîn bi dawî nehatiya, bi xemgînî helbestên
wê dixwîne.
Li ser destê şevê buxçika bîranînan bi cih dike, peyv bi peyv, çîrokên bê
dawî dixwîne.
Stiranên dayika wî, sînorên zarokatiyê derba skir û di canê wî de jiyaneke
bi hêvî dirîse.
Helbesta wî ya dawî, hîn nehatiye nivîsandin, pel bi pel jê diweşiyan, tenê
pela ku navê dayika wî li ser, bêdengî, li ber xwe dide.
Hîn şewqa simbilan di nava rûpelên dîwana wî de, nexşeya vegerê di canê
wî de hilat.
Dîwana wî, hîn bi dawî ne hatiye...!!!
ليست هناك تعليقات: