ERDHEJ Û ENCAMÊN METIRSÎDAR -LUQMAN YÛSIF
Dîrok di seranseriya xwe de ji
êş û azaran,wêranbûn,dilêşî û ji hemî cûreyên kerasetan xalî ne bûye.Keraset bê
hijmarin û gelek ji yên hatine rûdan di mêjiyê mirovan de mane û bi devkî
hatine veguhestin,û gelek jî hatine tomarkirin û di bûneyên guncaw de têe
xwendin.
Keraset cûr be cûr in.Hin bi destên
mirovan hatine rûdan;mîna cengan,kuştar,talankirin,koçberkirin,qirkirin û …Hwd.
Kerasetên sirûştî û ew jî renge reng
in mîna: Erdhej ,lehî, volkan ,bahoz û …Hwd.
Keraset sirûştîbe yan jî bi destê
mirovan be dimîne keraset û bi neyînî bandora xwe li rewşa derûnî ya her kesî
dike,û aramî ta demek dirêj jê re dibe xewn û metirsî pê re dibe heval.
Ji destpêka dîrokê ve hedanî û
aramiya berdewam peyda ne bûye,lê di serdema
îro de gelek balkêş bûye û ew jî li şehristaniyê û zêdebûna nişteciyan vedgere,
her weha li alazên xirabî li gel mirovan.
Ji bo babet tevlî hev ne bin û em û
hiş û bîr ber bi keasetên pir hijmar ve ne çin,pêwîste li ser bûyera dawî ku bi
nave erdheja serdemê hate bi navkirin bê rawstandin û encamên wêrankirinê wê
bêne berçavkirin.
Di rasteqîniyê de erdhej ji hemî
buyer û kerasetên dî tê cidakirin ji ber encamên wê gelek ciyawaz in.
Heger em erdhejê bidin ber,ceng,lehî, volkan,û
hemî cûreyên kerasetî wê gelek cudahî di navbera wan e hebe,ji ber hemi keraset
bi dema xwe didomin û encamp jî bi gelek kêmtirin ji yên erdhejê.
Erdhej di piraniyên xwe de demeke pir
kin didome(Çend çirk,yan çend xulek),lê encamên wê pir dijwarin û her tiştî bê
ser û ber dike.
Di erdheja ku li bakurê Sûrya û
başûrê Turkiya ku gelek bajar û gundên Kurdistanê jî dane ber xwe(Cindêris,Efrîn,Diyrbekir
Melatya û… HD),keraset û têkçûn gelek giranbûn û encamên wê yên neyênî wê di
paşerojê de berdewambikin û bandor jî wê bi mixabinî bête bibîranîn.
Erdheja 6ê meha reşemehê ya sala 2023
an û ji ber xurtbûn û hêza wê ya bê hempa (7,5)li gorî pîvana Rêxter deh
wilayet li bakur û çar li başûr dane ber xwe û di encamê de bi hizaran avahî
ruxandin û bihtir ji 50000 kuştî û bi milyonan birîndar û widayên di bin kavlan
de.Ev ji bilî têkçûnên darayî û reva bi milyonan ji warên xwe,û ya herî giran û
mestir encamên ku bandora neyînî li ser rewşa derûnî ya qurbaniyan kir û wê di
iş û bîran de bimîne ta hebin li jiyanê,her weha nexweşiyên wê ji bihna kelaşan
belavbin û dibe ku hijmara pêketiyan ji ya qurbaiyên erdhejê bihtir bibin!.
Erdheja dawî wê gelek encamên ne pêşbînîkirî bîne holê û ne seyre ku hebûna hin welatan ji kokê rake û tenê bimînin di bîrdanka dîrokê de.
ليست هناك تعليقات: