FERHAD ÇELEBÎ
1961-2004-JI BÎRDANKA DÎROKÊ-Luqman Yusif
Li bajarê Amûdê,di landika wêje û çandê de di sala 1961ê helbestvan û çîroknivîs Ferhadê Çelebî hate jiyanê.
Ne tenê çîroknivîs û helbestvan bû,lê belê ewî guhd- an bi hemî cûreyên wêjeyê dikir,ji lewma di ber çîrok û helbestê re serpereştiya hin kovaran mîna Zanîn, Buhar û Gulistan dikir ev ji bilî ku ew ji derçûyên zan- koyê bû di beşê abûrî de.
Ferhadê çelebî bi zîrekbûna xwe ya di warê wêjeyê de pence- muhra xwe li dîroka wêjeya Kurdî li Kurdistana Sûrya xist û ji ber bizav û keda wî ew gelek caran ji layê dezgehên rewşenbîrî û wêjeyî ve hate xelatkirin û ji wan xelatan:
-Xelata komela Xanî ya rewşenbîrî li Helebê di sala
1994an de.
-Xelata mihrecana helbesta Kurdî di sala 2002an de.
Ji bilî hûnana helbestê û nivîsandina çîrokê Ferhad di warê wergerê de jî bi serketî bû û hijmarek ji berhem- ên Erebî ji bo zimanê Kurdî wergerandin.
Ji berhemên Ferhadê Çelebî:
1-Helbesta Kurdî(Nerînek taybet).
2-Kovarên Kurdî yên qedexe.
3-Yara min.
Di roja 31-10-ji sala 2004an de di bûyerek hat û çûnê de li ser riya Helebê li gel herdû birayên xwe Zubêr û Şêro çu ber dilovaniya Xweda,û di roja 1ê meha 11an bi beşdariya cemawerek balkêş li goristana Amûdê bi xakê hate sipartin.
ليست هناك تعليقات: