Siya xewnê Ebdussemed Mehmûd -Helbest
Helbestên vê
dîwanê têkiliyekê ji eşqê di navbera heyber û guhdêr de ava dike bi sîstemeke
nû, wêneyên spehî, û pey-vên nazik, dîmeneke dilgeş û tabloyeke rengîn
dafirîne.
Despêka
dîwanê, helbestvan navnîşa-nek suryalî bi kar tîne, û dema guhdar li ber
radiweste, hestên wî dikevin dav-kên wêneyên delal, ewên ku nêçîra xwe di warên
hiş, raman û evîniya guhdêr de dikirin!.
Ev navnîşan
rêka helbestên vê dîwanê ronî dike, û weke tîreke di destê rêbe-rekî de, pê
ciyografîka helbestê rê bi rê şanî xwendevan dide, û baskên dilso-ziyê bi
bayekî tenik dilivîne, û wateyên xwe ji hestên biyanî pêşkêş dike û li ser
sînorê ristek zimanî nûjen û bi rîtmeke sazkirî hêlîna helbestê diyar dike, di
paş re, dema derbasbûna naveroka helbestê bi cî tê, guhdar wendayî dimîne û
sed rêkên nû li ber vedibin û wateyên ku li himber wî diyar bûn, xwe jê
ve-didizin û navbera mêrgên ramanin dûr û bê binî de belav dibin.
ji lewra ti
carî mirov nikare destê xwe deyne ser wateya dawî ya gotinê, yan jî hevoka
helbestê çavdêr be, yan li ser reng û telasimê wêneyên ku hiş û hest li pêşiya
xwe tajone ser kaniya eşqa helbestê, û di nav peyvên hîledar de, wan dîl û
reben dihêle.
Ev dîwan, di
nav rûpelên xwe de helbe-stine nûjen himbêz dike, û canekî nû vedijîne, ku
helbesta kurdî bi wî canî gaveke dûr û li pêş dipejirîne, û sînorê wêjeya kurdî
bi ser rexê afirandinê de ber fireh dike, ji lewra em dibêjin ev helbestên di
nav destên me de, hêja ne ku bi hûrbînî bêne xwendin, û rexne-vanên me,
berketiyên ziman, wêje û helbesta Kurdî lêkolînên nirxdar li ser amade û pêşkêş
bikin.
15.07.2013
Dr: Ferîd
Sadûn
ليست هناك تعليقات: