Rojnamegeriya Kurdî-Ebdilezîz Qasim
Wek em dizanin ku di 22ê nîsana 1898an de, yekemîn karwanê rojnamevaniya kurdî bi rêket û ji aliyê Mîr Miqdad Bedirxan beg li paytexta Misrê (Qahîre) yekemîn finda rojnameya kurdî li jêr navê (Kurdistan) û bi zimanê Kurdî hate teyîsandin, her ji wê rojê ve, Rojnameya Kurdistan bû havên û pizdanê destpêkirina şoreşeke hizrî û rewşenbîrî li nav tevgera azadîxwaza netewa me û ji wê rojê û heta niha hersal milletê me bi rêz û siyanetek taybet evê rojê bibîr tîne, û rola netewî ya Bedirxaniyan bilind dinerxîne.
Derxistina rojnameyekî berî 125 salan û li jêr navekî bilind wek navê Kurdistan, destpêkek dîrokî bû li pêxema hewildan bo zîndîkirin û geşekirin û avakirina hêz û îradeya netewî, û têkelkirina xebata siyasî digel ya rewşenbîrî weke du têgehên tewawkerê hevdu jibo gehiştin bi maf û xwestekên netewî.
Rojnamevaniya kurdî, di gelek qonaxên sext û dijwar de derbasbûye û her ji destpêkê ve û heta niha hilgirê peyamek siyasî,netewî û rewşenbîrî bûye, û mil bi milê xebata siyasî û tevgera kurdî bandorek erênî û karîger li ser hişyarkirin û coşkirina hizra netewî û welatparêziya kurd kiriye û hevdem sekoyek bû bona gehandina dengê daxwazên gelê Kurd bo raya giştiya Cîhanî.
Rojnamevan û Nivîskar û Rewşenbîrên kurd di pêvajoya xebata netewî di qonaxên sext û dijwar û li jêr gef û govaşên neyarên kurdan de, bi mêranî sîngê xwe kirine mertal û bi xamên xwe yên dijmin şikên, berdewamin li ser ronîkirina hizra netewî û rêya xebat û pêşvebirina civaka kurdistanê.
Îro jî ku qonaxa masmîdeya û ragihandinê ye, Rojnamevaniya kurdî kariye ku bi mifa ji wergirtina alav û têknlojiya serdem bibînê û karwanê rojnamevaniya xwe ber bi pêş ve bibe û weke ragihandinek pirofişnal, xebata neteweyî bidomîne û berdewamiyê bidê gehandina peyama xwe.
ليست هناك تعليقات: