Yekîtiya Nivîskarên Kurdistana Sûriya-şaxê Tirbespiyê simînarek bi helkefta Roja Cîhanî ya Zimanê Dayik lidarxist
Îro duşembê, 27ê sibata 2023 an Yekîtiya Nivîskarên Kurdistana Sûriya-şaxê Tirbespiyê simînarek bi
helkefta Roja Cîhanî ya Zimanê Dayik lidarxist, bi amadebûnek berbiçav ji rewşenbîr, nivîskar û siyasetmedaran, simînar ji layê rêzimanzan û nivîskar Ebdulhekîm Ehmed Muhemed ve hat pêşkêşkirin, tê de gelek mijar hatin şirovekirin li ser vê rojê û her wiha li ser zimanê kurdî bi taybet, ku zimanê kurdî ji kevintirîn zimanê cîhanê ye û şoreşa niyolotîkî ji xaka kurdistanê destpê kiriye û li cîhanê belabûye.
Nivîskar Ebdulhekîm amaje bi reseniya zimanê kurdî kir û tekezî li ser parastina vî zimanî kir ku pêwîst e miletê me zimanê xwe biparêze û guhdanê bidiyê, ji ber ku ziman hebûn, dîrok, şaristanî û çanda her miletekî ye.
Di dawiya simînarê de çend kesan jî hem pirs û hem jî tevlîbûna gotin û mijarê bûn û simînar geştir û xweştir kirin.
ليست هناك تعليقات: