Şandeke fermî ji desteya cîbicîkar ya Yekîtiya Nivîskarên Kurdistana Sûriya serdana komela Asûriya ya Demokrat li bajarê Qamişlo kir
Îro 1-11- 2021'an, Şandeke fermî ji desteya cîbicîkar ya Yekîtiya Nivîskarên Kurdistana Sûriya serdana komela Asûriya ya Demokrat li bajarê Qamişlo kir û şand ji layê berpirsê komelê mamoste Dawid Dawid, mamoste Gebro Romanos endamê desteya giştî, mamoste Beşîr S'edê endamê emîndariya giştî û mamoste Quryaqis Gewriyê û hijmarek ji serkirdeyên wê ve hat pêşwazîkirin.
Berdewamiya hevdîtinan bi rêxistinên siyasî û rewşenbîrî re wek em dibînin ku gelek nêrînên hevbeş peyda dibin ji bo çawaniya çareserkirina kêşeyên navxewî û hindirîn ji bo pêkvejiyaneke aram navbera civaka xelk û miletên deverê li Roj Avayê Kurdistanê bi taybet û li seranserî Sûriya bigiştî.
herweha piştî dan û sitandin li ser gelek mijaran bi dawî bû, hate pêşniyarkirin ku hevdîtin di navbera nivîskar û rewşenbîrên Kurd û Asûriyan rûbidin û têkilî bihêztir bibin,
Hêjayî gotinêye ku şanda Yekîtiya Nivîskarên Kurdistana Sûriya bi serokatiya serokê Yekîtiyê mamoste Luqman Yûsif û cîgirê serok mamoste Nayif Çibîro, û endamê Desteya cîbicîkar mamoste Torçîn Reşwanî, û berpirsê şaxê Qamişlo mamoste Fêsel Qadirî ve hatibû pêkhatîkirin.
Qamişlo:
1-11- 2021
ليست هناك تعليقات: