Daxuyaniya dawiyê ya duyem kongirê Yekîtiya Nivîskarên Kurdistana Sûriya
Roja înê 4/6/2021ê li bajarê Qamişlo, li Hola Efrîn, bi xuleyek bêdeng û rawestandin li ser canê şehîdan li gel sirûda netewî Ey Reqîb, karûbarê duyem kongirê Yekîtiya Nivîskarên Kurdistana Sûriya li demjimêr 10 ê sibehê bi amadebûna Nûnerên Encûmena Niştimanî ya Kurdî û desteya çandê li Rojavayê Kurdistanê û Nûnerên partiyên Siyasî, civaka sivîl, Yekîtiyên nivîskaran, rewşenbîr, nîvîskar û ragihandinê, herwisa bi amadebûna endamên yekîtiyê û endam û nûneratiya yekîtiyê li oropa bi riya onlinê destpê kir.
Piştre bixêrhatina mêvan û endamên kongir ji aliyê her du pêşkêşkerên kongir, berêz Ehmed Sofî û Şemisxan Enter hate kirin.
Paşî gotina serokatiya yekîtiyê û gotina desteya birêvebir hatin xwendin, û rêportacek derbarî karê yekîtiyê di dema bûrî de hate pêşkêş kirin.
Herwisa jî jimarek ji birûskên pîrozbahiyê gihiştine kongir, dîtir civîna girtî ya taybet bi endamên kongir destpê kir, û tê serokatiya kongir hate helbijartin û xişte û karnameya kongir hate pejirandin.
Ji aliyê endamên kongir ve bi berpirsiyarî xalên pêrewa navxweyî hatin gotûbêj û erê kirin.
Herwiha çend biryar bo xizmeta çand û zimanê kurdî hatin standin. Di dawiyê de desteyek cîbicîkar hate hilbijartin û rewşa herêmî tê de hate berçavkirin.
hêjayî gotinê ye ku di roja înê 11/6/2021'an de, Serokê nû yê Yekîtiya Nivîskarên Kurdistana Sûriya bi cêgirê serok ve di kongirekî çapemeniyê de wê were ragihandin.
Qamişlo
05/06/2021
Yekîtiya Nivîskarên Kurdistana Sûriya
Desteya cîbicîkar.
ليست هناك تعليقات: