Ji seredanên Yekîtiya Nivîskarên Kurdistana Sûriya li Duhokê
Li roja yekşemê rêkeftî 19 / 3 / 2023 Z de, şandeke Yekîtiya Nivîskarên Kurdistana Sûriya pêk hatibû ji her m. Mişel Osman endamê desteya cîbicîkar ya Yekîtiya Nivîskaran û m. Vanês Mîranî serokê Şaxê Duhokê ya heman Yekîtiyê, seredana Rêveberiya Pirtûkxaneyên giştî li Duhokê ( pirtûkxana Bedirxaniyan ) kir, piştî pêşwaziyeka gerim, ji layê mamosta Mesûd Xalid Gulî rêveberê pirtûkxaneyê ve hate kirin.di çavpêketinê de danûstandin û gengeşe li ser gelek babetên girîng ên wêjeyî û rewşenbîrî û hunerî hatne kirin, bi taybet girîngiya parastin û pêşxistina ziman û wêje, dîrok,çand û filoklorê kurdî, her wesa birêz Mesûd Gulî sipasiya şandê kir û daxwaza berdewamî û xurtkirina têkilî û pêwendiyan û seredanên weha kir, bi taybetî li ser van pêngavên herî giring navbera herdu aliyan de.
ليست هناك تعليقات: